[amdavadis4ever] પોતાનાથી ન અપનાવા ય તે જ સાચી સલાહ?

 

Please use http://translate.google.com/ to translate this article to Language of your choice. પોતાનાથી ન અપનાવાય તે જ સાચી સલાહ?   The only thing to do with good advice is to pass it on. It is never of any use to oneself. ઓસ્કર વાઈલ્ડની આ વાત ખરેખર આપણને લાગુ પડે છે અને તેના કરતાય એક ડગલું આગળ વિચારીએ તો ઘણું બધું કહી પણ જાય છે. સલાહ એક એવી બાબત છે જે અપનાવવા કરતા આપવામાં વધારે આનંદ આવે છે. જો ક્યાંક દુકાન કરવામાં આવે કે અહીંયા વિનામૂલ્યે સલાહ આપવામાં આવે છે તો સલાહ લેવા લોકોની ભીડ જામે કે ન જામે પણ તેના કરતાંય વધારે આ દુકાન ખોલવા અને તેને ચલાવવા અંગે સલાહ આપનારા લોકોની ભીડ ચોક્કસ જામે. સલાહ આપવાનું કામ મફ્તમાં ન કરાય તેવી સલાહ આપનારાય ઘણા લોકો ઉમટી પડે. સલાહ એક પ્રકારની સમાજ સેવા જ છે એમ માનીને ચાલીએ તો ખૂબ જ મજા આવતી હોય છે. પાનના ગલ્લાં, કોલેજની બાહરની બેઠકો, ચાની કિટલીઓ, નાસ્તાની લારીએ, બસસ્ટેન્ડ વગેરે સલાહ સૂચનના હબ હોય છે. અહીંયા સલાહ સૂચનના બેતાજ બાદશાહોનું એકહથ્થુ શાસન હોય છે. આવા ઘણા લોકો આપણા જીવનમાં પણ સ્થાન ધરાવતા હોય છે. તેમાંય સંતાનનો ઉછેર, તેની કેરિયર અને તેના લગ્ન કરવા, પૈસાનું રોકાણ વગેરે અંગે સલાહ આપનારા ઘણા તજજ્ઞાો રસ્તે ચાલતા મળી જતાં હોય છે. બેન્જામિન ફ્રેક્નલીને આ વિશે ખૂબ જ સરસ વાત કહી છે કે, Wise men don't need advice. Fools won't take it. તેમાં થોડો સુધારો કરીએ તો કંઈક આવું થાય, Wise men don't need advice. Fools won't take it. But idiots try to impose. થોડા સમય પહેલાં એક વ્યક્તિ સાથે મુલાકાત થઈ હતી. સમાજમાં સારી નામના ધરાવતી તે વ્યક્તિ કાઉન્સેલિંગનાં વ્યવસાય સાથે સંકળાયેલી છે. યુવાવસ્થામાં જ કાઉન્સેલિંગના ક્ષેત્રમાં તેમનું સારું નામ હતું. તેઓ પોતાની પત્ની અને એક વર્ષની પુત્રી હેલી સાથે આવ્યા હતા. ભોજન કરાવવા દરમિયાન તેમની પત્ની પુત્રીની પાછળ દોડતી, ક્યારેક ગુસ્સો કરતી… ક્યારેક બૂમો મારતી હેલી હવે માર પડશે… તો ક્યારેક તે ભાઈ પાસે આવીને તેમને કહેતી કે હેલીને પકડી રાખો અથવા સાચવો. પેલો ભાઈ બીચારો મન મક્કમ રાખીને મોબાઈલ કાઢતો અને કાર્ટૂન ચાલુ કરતો અને હેલી તે જોઈ રહેતી અને ખાઈ પણ લેતી. થોડા સમય પછી હેલી પાછી ભાગી જતી અને બેય તેની પાછળ દોડાદોડ કરતા. માતા પિતા વિશે આ ખૂબ જ સહજ ઘટના છે અને લોકો આ તબક્કામાંથી પસાર થતાં જ હોય છે. આ વાત એટલા માટે યાદ કરવી પડે કે લગભગ બે વર્ષ પહેલાં અમે આવી જ રીતે એક મિત્રના પુત્રની બર્થડે પાર્ટીમાં મળ્યા હતા. તે સમયે ભાઈ તરવરતા યુવાન કાઉન્સેલર તરીકે સલાહ આપતા હતા કે સંતાનોને ઉછેરવામાં ખૂબ જ ધ્યાન રાખવું, તેની જીદ પૂરી ન કરવી, તેને શારીરિક શિક્ષા ન કરવી, છોકરાઓને મોબાઈલ અને ટેબલેટથી તો દૂર જ રાખવા જોઈએ. રમકડાં પણ એવા આપવા જે તેના માનસિક વિકાસમાં મદદ કરે. સંતાનોને વઢવા ન જોઈએ, તેમના પર હાથ ન ઉપાડવો જોઈએ. એકંદરે જોવા જઈએ તો ભાઈ ખૂબ જ ક્રાંતિકારી વાતો કરતા હતા અને આજે તે એક હાથમાં ઘરેથી લાવેલી ખીચડીની વાડકી, બેબીનો રૂમાલ અને બીજા હાથમાં મોબાઈલ રાખીને બેઠા હતા અને બાકીનું… આપણે સમજી શકીએ છીએ. આવા તો અનેક પ્રસંગો મારા અને તમારા જીવનમાં બન્યા જ હશે. કદાચ નહીં બન્યા હોય તો ચિંતા ન કરતા ક્યારેક તો બનશે. જીવનમાં ક્યાંકને ક્યાંક એવા લોકોને જોવાનો અવસર મળ્યો હશે જેઓ જે તે સમયે આપણને સલાહ આપવા આવ્યા હશે અને ક્યારેક આપણા જેવી સ્થિતિમાં આવ્યા પછી તેમની બધી જ સલાહો વરસાદમાં શેકેલા પાપડની હાલત થાય તેમ હવાઈ ગઈ હશે. ત્યારે તેમની પાસે તમાચો મારીને ગાલ લાલ રાખવા સિવાય કોઈ વિકલ્પ હોતો નથી. સહાલ અંગે સૌથી સરસ વાત વિશ્વના અત્યંત ધનાઢય લોકોમાં સ્થાન ધરાવતા વોરન બફેએ કરી છે. તેઓ કહે છે કે, Wall Street is the only place that people ride to in a Rolls Royce to get advice from those who take subway. મૂળ તેઓ પણ એ જ કહેવા માગતા હતા કે લોકો સલાહ આપીને છૂટા થઈ જાય છે પણ અમલમાં મૂકતા નથી. જે સલાહને અમલમાં મૂકે છે તેમની સ્થિતિ બદલાય છે જ્યારે સલાહ આપનારો તો ઠેર નો ઠેર જ રહે છે. સૌથી અગત્યની બાબત એ પણ છે કે આપણને મળેલી સલાહને આપણે કેવી રીતે અમલમાં મૂકીએ છીએ. બધું જવા દઈએ તો મૂળ સવાલ એટલો જ છે કે આપણે જે સ્થિતિ અંગે સલાહ આપીએ ત્યારે એવી સ્થિતિમાં જો ક્યારેક આપણે આવીશું તો ખરેખર આપણે ભૂતકાળમાં આપેલી સલાહને અનુસરીશું? જવાબ મારે નથી જોઈતો માત્ર આપણે આપણી રીતે વિચારીયે તોય ઘણું છે.?

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 47

• Privacy • Unsubscribe • Terms of Use

.

__,_._,___