[amdavadis4ever] સૂકા ભેગું લીલુ ં બળે એને કોલેટ રલ ડેમેજ કહેવાય By Saurabh Shah

 

Please use http://translate.google.com/ to translate this article to Language of your choice. સૂકા ભેગું લીલું બળે એને કોલેટરલ ડેમેજ કહેવાય By Saurabh Shah   યુદ્ધમાં તમે ગમે એટલી કાળજી રાખી હોય પણ ક્યારેક દુશ્મનની છાવણીઓ પર હુમલો કરવા જતાં દુશ્મન દેશના સિવિલ્યન્સે પણ સહન કરવું પડે. મિલિટરીની ભાષામાં આને કોલેટરલ ડેમેજ કહે અને આપણી ભાષામાં એને સૂકા ભેગું લીલું બળી ગયું એમ કહીએ.   કંઈપણ સારું કામ તમે કરો છો ત્યારે તમારી અનિચ્છાએ તો કયારેક તમારી જાણબહાર ભેગાભેગું કશુંક ન થવાનું થતું જ હોય છે. તમે એવું ન બને એની ગમે એટલી તકેદારી લીધી હોય છતાં કોલેટરલ ડેમેજ સહન કરવું જ પડતું હોય છે.   તમે ગમે એટલા મોટા પર્યાવરણવાદી હો છતાં અત્યારે જે મકાનમાં તમે રહો છો તે બનાવતાં પહેલાં એ પ્લોટ પરનાં વૃક્ષો કાપવામાં ન આવ્યાં હોત તો તમારું મકાન બન્યું ન હોત. તમે નદી આડે બંધ બંધાવાથી અમુક હજાર વિસ્થાપિતોનું શું થશે એવી ચિંતા રાખશો તો કરોડોની સંખ્યામાં પ્રજાને સિંચાઈનું/પીવાનું/વાપરવાનું પાણી નહીં મળે. કોલેટરલ ડેમેજ જીવનના દરેક ક્ષેત્રમાં તમારે સ્વીકારવું જ પડે. બહુ બહુ તો ઓછામાં ઓછું નુકસાન કેવી રીતે થાય એટલી જ કાળજી તમે લઈ શકો અને નુકસાન થઈ ગયા પછી એ નુકસાન બદલ થયેલી ખોટ ભરપાઈ કરવા માટે પગલાં લઈ શકો. પણ અમુક પગલાંથી આવું નુકસાન થવાનું છે માટે એવું સદ્કાર્ય ન કરીએ એમ ગણીને ચાલશો તો આ દુનિયામાં ક્યારેય પ્રગતિનાં કાર્યો નહીં થાય.   વાહનોથી પેદા થતો ધુમાડો આવું જ એક કોલેટરલ ડેમેજ છે. પ્રદૂષણ વધી જાય છે માટે વાહનોને રસ્તા પરથી દૂર નથી કરવાના. દિલ્હીમાં કેજરીવાલે એવું ગાંડપણ કરી જોયું હતું. વાહનોના ઉત્પાદકો પર અમુક અંકુશો લાદવા, પેટ્રોલ ડીઝલમાં થતી ભેળસેળ અટકાવવી, પબ્લિક ટ્રાન્સપોર્ટની સુવિધા વધારવી, ટ્રેડિશનલ બળતણને બદલે પ્રદૂષણ રહિત બળતણ વાપરે એવાં વાહનો બનાવવા અને લોકો અડોશ-પડોશમાં કે મિત્રોમાં કારપુલ બનાવીને પ્રવાસ કરે એ માટે એમને સમજાવવા-આ બધા પ્રયાસો કોલેટરલ ડેમેજ અટકાવવા થઈ શકે. પણ વાહનો પર પ્રતિબંધ ન મૂકી શકાય.   મુંબઈની ઉપનગરીય લોકલ ટ્રેનોમાં અકસ્માતથી દરરોજ સરાસરી ૭ થી ૧૨ વ્યક્તિ મૃત્યુ પામે છે, દરરોજ તો શું ટ્રેનો બંધ કરી દેવાની? ના. રોજના પચાસ લાખથી વધુ લોકો પોતાના કામે જવા-આવવા આ ટ્રેનોમાં મુસાફરી કરે છે. વર્ષે દહાડે ત્રણથી ચાર હજાર લોકો આ ટ્રેનોને કારણે મરતા હોય તો મરવા દેવાના એવી ભાષામાં જો આપણે વાત કરીશું તો એ ક્રૂર લાગશે પણ દૂર રહીને જુઓ તો એ જ થઈ રહ્યું છે. રેલવેતંત્ર સલામતી માટેનાં પગલાં લઈ લઈને થાકી ગઈ, પ્રવાસીઓને કહી કહીને થાકી ગઈ કે પાટા ઓળંગવાના નહીં, લટકીને પ્રવાસ કરવાનો નહીં, ડબ્બાના છાપરા પર સ્ટંટ કરવાના નહીં. રેલવે પોલીસ પણ ધ્યાન રાખીને કેટલું રાખે. છેવટે આ મૃત્યુને કોલેટરલ ડેમેજ ગણીને સરકારે રેલવે તંત્રને રેલસેવા બંધ કરવાનું કોઈ દિવસ કહ્યું નથી. આ અઠવાડિયાના આરંભે બ્રાઝિલની ફૂટબોલ ટીમ સહિત ૭૨ જણને લઈ જતું ચાર્ટર્ડ વિમાન કોલમ્બિયામાં તૂટી પડયું. ઘણું ખરાબ થયું. શું દુનિયામાં વિમાનો ઉડાડવા પર પ્રતિબંધ આવવો જોઈએ? રોડ એક્સિડન્ટમાં દરેક દેશમાં દર વર્ષે કેટલા લોકો મૃત્યુ પામે છે એના આંકડા તમે ગૂગલ સર્ચ કરીને વાંચી લેજો. હેબતાઈ જશો. વાહનો પર કે વિમાનો પર પ્રતિબંધ મૂક્વો શક્ય જ નથી. આટલું કોલેટરલ ડેમેજ સ્વીકારવું જ પડે. કોઈ દોઢ ડાહ્યું દલીલ કરશે કે પણ સલામતીના પગલાં તો લઈ શકાય ને? એમને જણાવવાનું કે આ જગતમાં શું તમે જ એક ડાહ્યા અને દુનિયાની બધી જ સરકારો ગાંડી? એ લોકોએ શું પોતપોતાની સર્વશ્રેષ્ઠ આવડતો, નાણાકીય સગવડો, ઈન્ફાસ્ટ્રકચરને ધ્યાનમાં રાખીને શું અત્યાર સુધી કોઈ પગલાં નહીં લીધાં હોય એવું તમે માનો છો? પણ જે લોકો કોલેટરલ ડેમેજની કન્સેપ્ટ સ્વીકારવા નથી માગતા તેઓ આવી વાહિયાત દલીલોમાં તમને ઘસડી જવાની કોશિશ કરતાં હોય છે. છો કરે.   નજીકની વાત લઈએ. ઘર આંગણે તમે જોયું હશે કે કોઈપણ લગ્નમાં વાંકદેખાઓ યજમાનનું બૂરું બોલવાના જ. ગમે એટલું ભવ્ય અને પરફેક્ટ આયોજન હશે, બધું જ સમુંસૂતરું પાર ઉતર્યું હશે તો પણ બોલનારાઓ તો બોલવાના જ. પૂરી જરા ઠંડી હતી, કુલ્ફી બહુ કડક હતી, બેન્ડવાજાવાળાએ ચીકની ચમેલી તો વગાડયું જ નહીં.  તમે કંઈપણ સારું કામ કરવા જશો ત્યારે કંઈક તો કાચું રહી જ જવાનું. તમારો આશય ગમે એટલો શુભ હશે, કેટલાકને તો એ કામ ખૂંચવાનું જ. તમે ગમે એટલી ઉમદા વૃત્તિથી યજ્ઞા માંડયો હશે પણ એમાં સમિધનું લાકડું ઉમેરવાને બદલે હાડકાં નાખવા માટે કેટલાંક રાક્ષસો આવી જ પહોંચવાના. આવા સમયે તમારે તમારી જાતને કોસવાની નહીં. કોલેટરલ ડેમેજ ગણીને આવી દુર્ઘટનાઓને લીધે થઈ રહેલાં કે થનારાં નુકસાનોને અટકાવવાની બને એટલી કોશિશ કરવાની અને છતાંય થોડુંક નુકસાન નિવારી ન શકો ત્યારે સહન કરી લેવાનું.   અત્યારના સંજોગોમાં આવી બધી વાત કરવી જરા અજુગતી લાગશે પણ તમારા ધંધામાં તમને પરચૂરણની અનિવાર્યતા રહેતી હોય અને તમને દસ હજાર રૂપિયાનું પરચૂરણ આપનારાની સામે ગણતી વખતે ખબર પડી કે આમાં બે રૂપિયાનો એક સિક્કો ઓછો લાગે છે. તો તમે નવેસરથી બધું પરચૂરણ ગણવાની મહેનત નથી કરવાના. પેલા બે રૂપિયાને તમારું કોલેટરલ ડેમેજ ગણીને સ્વીકારી લેશો.   આમ જુઓ તો અત્યારના સંજોગો માટે જ આ કોલેટરલ ડેમેજની વાત સૌથી વધુ લાગુ પડે છે. ડિમોનેટાઈઝેશનના નિર્ણય પછી સામાન્ય પ્રજાને જે નાનીમોટી તકલીફો અમુક અમુક જગ્યાઓએ પડી તેને હસતે મોઢે સૌએ સ્વીકારી લીધી. આ બધાને કંઈ કોલેટરલ ડેમેજ એટલે શું એની ખબર નહીં હોય. પણ આ શબ્દને જાણ્યા વિના સૌ કોઈએ માની લીધું કે કશુંક મોટે પાયે સારું થવા જઈ રહ્યું હોય ત્યારે આવી નાની નાની તકલીફો સહન કરી લેવાની હોય.   આ દેશની કમનસીબી માત્ર એટલી જ છે કે અહીંની ૯૮.૫ પ્રજા જે વાત સમજે છે તે વાત વિપક્ષો નથી સમજતા અને મીડિયાનો એક હિસ્સો આ વાત નથી સમજતું. ઓન સેકન્ડ થોટ, સમજે તો છે પણ સ્વીકારવા નથી માગતું કારણ કે ડિમોનેટાઈઝેશનને લીધે એમનો ગરાસ લૂંટાઈને ફિફટી પર્સન્ટ જેટલો થઈ ગયો છે. દેશના હિત માટે આટલું કોલેટરલ ડેમેજ તો રહેવાનું જ ને.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 49

• Privacy • Unsubscribe • Terms of Use

.

__,_._,___