[amdavadis4ever] સફ્ળ થવા માટે શું વધુ જરૂરી? IQ કે EQ?

 

Please use http://translate.google.com/ to translate this article to Language of your choice. સફ્ળ થવા માટે શું વધુ જરૂરી? IQ કે EQ? અરસપરસ એકેડમીઃ રઈશ મણિયાર અરજણભાઈ અને કાનાભાઈ સાપુતારા જઈ રહ્યા હતા. ભગવદ્ ગીતા વાંચતા વાંચતા અરજણભાઈ કાનાભાઈના હાથમાં 'ઈમોશનલ ઈન્ટેલિજન્સ'નું પુસ્તક જોઈ ડિસ્ટ્રેક્ટ થઈ ગયા.   'માણસે સફ્ળ થવા માટે પ્રજ્ઞાાથી કામ કરવું જોઈએ કે લાગણીથી?'   કાનાભાઈ હસતાં હસતાં પૂછયું, ' તમને શું લાગે છે? '   અરજણભાઈ સમજી ગયા કે કાનાભાઈ એમના આ લુઝ બોલને ટ્રાયલ બોલ સમજી એમને સવાલ રિફ્રેઈઝ કરવાની તક આપી.   ' તમે આ જે પુસ્તક વાંચી રહ્યા છો એમાં એમ લખ્યું કે માણસની ઈમોશનલ ઈન્ટેલિજન્સ માપી શકાય છે, એને 'ઈમોશનલ ક્વોશન્ટ' ઈ.ક્યૂ કહેવામાં આવે છે. માણસની બુદ્ધિ પણ માપી શકાય છે એને ઈન્ટેલિજન્ટ ક્વોશન્ટ કહેવામાં આવે છે.' અરજણભાઈ પૂર્વભૂમિકા બાંધી.   ' અચ્છા તો રસ્તે ચા-ભજિયા માટે અટકીએ ત્યાં સુધી ' આઈ. ક્યૂ વરસીસ ઈ. ક્યૂ' એ આપણી ચર્ચાનો વિષય રહેશે. એમ જ ને? '   ' હા, મારો સવાલ એ છે કે સફ્ળ થવા માટે શું વધુ જરૂરી? ' IQ કે EQ? '   ' હું સામો સવાલ કરું? આ ઈમોશનલ ઈન્ટેલિજન્સ વિશે તમે શું જાણો છો? '   અરજણભાઈને થયું આ ચર્ચા તો સાપુતારા પહોંચીને લંચ લઈશું ત્યાં સુધી ચાલવાની!   એ બોલ્યા, ' એક વાક્યમાં કહેવું હોય તો પોતાના અને બીજાના ઈમોશન્સને ઓળખવા અને એમને હિતકારક રીતે મોડીફય કરી, સારો રસ્તો શોધવો એનું નામ ઈમોશનલ ઈન્ટેલિજન્સ..'   ' અરે! યાર જરા વિસ્તારથી કહો ને!'   અરજણભાઈને ખ્યાલ હતો જ કે બાંધી મુઠ્ઠી લાખની. લાંબો જવાબ આપીએ તો વટાણાં વેરાઈ જાય. પણ વચ્ચે કાનાભાઈએ ઝોકું માર્યું ત્યારે એમણે થોડું વાંચી લીધું હતું. તેથી એમણે કોશિશ કરી, ' આપણે કોઈપણ મહત્ત્વનું કામ કરતી વખતે વિચારવાની સાથેસાથે ચિંતા, ઉતાવળ, ઉત્સાહ, જિદ્દ, કડવાશ, ડર, અભિમાન, ઈર્ષ્યા જેવી લાગણી અનુભવતા હોઈએ છીએ. કામ કરતી વખતે પોતે કઈ લાગણીમાંથી પસાર થઈ રહ્યા છીએ કે કઈ લાગણીથી અફેક્ટેડ થઈ રહ્યા છીએ એ જાણવું, એ ઈમોશનલ ઈન્ટેલિજન્સનું પહેલું લક્ષણ છે.'   આવું બોલતાં બોલતાં અરજણભાઈએ નોંધ્યું કે પોતે થોડા ડર અને થોડા કોન્ફ્ડિન્સનો અનુભવ કરી રહ્યા હતા. કાનાભાઈ બોલ્યા, ' સરસ એટલે તમે સભાનતા, એલર્ટનેસ અથવા માઇંડફ્ુલનેસની વાત કરી રહ્યા છો!'   અપ્રિસિયેશન      મળવાથી અરજણભાઈનો ડર ઓછો થયો, પોતે જ એની નોંધ લઈ એ આગળ વધ્યા, 'ઈમોશનલ ઈન્ટેલિજન્ટ માણસ પોતાની લાગણીને માત્ર ઓળખતો નથી, એ પોતાની અંદર ઉછળી રહેલાં લાગણીના જુવાળને જરૂર પૂરતો ખાળવાની, મોડયુલેટ કરવાની ક્ષમતા ધરાવે છે! '   કાનાભાઈ બોલ્યા, ' એટલે કે સેલ્ફ્કંટ્રોલ! ગુડ! અરજણભાઈ, તમે 'લાગણી પર જરૂર પૂરતો કંટ્રોલ' શબ્દ વાપર્યો એ ગમ્યું. એરિસ્ટોટલે કહ્યું છે, ' ગુસ્સે થવું સહેલું છે, પરંતુ યોગ્ય સમયે, યોગ્ય વ્યક્તિ પર, યોગ્ય પ્રમાણમાં ગુસ્સે થવું ખૂબ મુશ્કેલ છે.' આગળ વધો!' ' ઈમોશનલ ઈન્ટેલિજન્સનું ત્રીજું લક્ષણ છે, સામાજિક અને વ્યવસાયિક વ્યવહારોમાં બીજાની લાગણીઓને વાંચવી, એને સમજવી. એ લાગણીને આધારે જ નિર્ણય લેવો એવું નથી, પણ નિર્ણય લેવાની પ્રક્રિયામાં એ લાગણીને પણ જરૂરી સ્થાન આપવું.' થોડીવાર પહેલા વાંચેલી વાતો આમ ફ્ટાફ્ટ યાદ આવી જવાથી અરજણભાઈને પોતાની યાદશક્તિ માટે માન થયું. 'નવમા ધોરણમાં સમાજવિદ્યા ભણતી વખતે યાદ શક્તિ આટલી સારી હોત તો!' એવો વિચાર ઝબકી ગયો, એને ફ્ગાવી એ આગળ વધ્યા, ' ઈમોશનલ ઈન્ટેલિજન્સનું ચોથું લક્ષણ એ છે કે આપણે પોતાની સાથે, પોતાની નીચે અથવા પોતાની ઉપર કામ કરનારા સાથીને તેમજ ગ્રાહકને સમજવા, એમની સાચી વાત સ્વીકારવી, આપણી સાચી વાતો એમને ગળે ઉતારવાનો પ્રયાસ કરવો. સંબંધ સુચારું રહે એ રીતે બહુ અકળાયા વગર મુશ્કેલીઓ પાર પાડવી.' અરજણભાઈ વાત પૂરી કરી. ' અર્થાત્ દરેક વ્યવહારને એક રિલેશનશિપની જેમ ટ્રીટ કરવો, પ્રોબ્લેમ આવે તો મળી-સમજી એનું સોલ્યુશન મન અને હૃદય બંનેને ગમે એવું લાવવું! ઈમોશનલ ઈન્ટેલિજન્સ એટલે શું, એ તો તમે બરાબર સમજાવ્યું, પણ તમારો સવાલ શું હતો? ' ' મારો સવાલ એ હતો કે સફ્ળ થવા માટે શું વધુ જરૂરી? ' ઊ કે ઈઊ? '   ' આ સવાલ તમને કેમ થયો? ' અરજણભાઈને થયું કે આ કાનાભાઈ તો જળોની જેમ, સોરી સોક્રેટિસની જેમ ચોંટયા.   એમણે કહ્યું, ' આપણે એ ધારણા સ્વીકારીને ચાલીએ છીએ જેનો આઈ. ક્યૂ વધુ હોય એને જ જવાબદારી સોંપવી જોઈએ. એને જ લીડ કરવાની તક મળવી જોઈએ. પણ, આપણે સૌ જાણીએ છીએ કે જીવન માત્ર શાર્પ ઈન્ટેલિજન્સથી જીવાતું નથી. ઘણાં ગણતરી કે શબ્દભંડોળમાં ખૂબ તેજ હોય એવા લોકો વ્યવહારમાં કાચા હોય છે. તેથી આવી વ્યક્તિનો ટેસ્ટમાં સારો સ્કોર જોઈ, એમ્પ્લોય કર્યા પછી કંપનીઓને એમની પાસેથી ધારેલું કામ મળી શકતું નથી. આપણી શિક્ષણ પદ્ધતિઓ માત્ર કોરી બુદ્ધિ માપે છે. બોર્ડ કે યુનિવર્સિટીની એક્ઝામ કે એમ્પ્લોયમેંટ કે એન્ટ્રન્સ ટેસ્ટમાં 'ઓન પેપર' સારા માર્ક લાવી બુદ્ધિશાળી પુરવાર થયેલી વ્યક્તિમાં સેલ્ફ્ કંટ્રોલ, બેલેંસ, ઉત્સાહ, ધીરજ, શ્રદ્ધા, બીજા સાથે કામ કરવાની ફવટ, અને બીજા પાસે કામ લેવાની આવડત ન હોય તો કંપનીને એની બુદ્ધિ કંઈ કામ લાગતી નથી. અરે પોતે લીડર હોય ત્યારે પણ ઘણાં બુદ્ધિશાળી માણસ ગુસ્સો, ડર, ઈર્ષ્યા, અહંકાર જેવી લાગણીથી વશ થઈને ખોટા નિર્ણય લઈ શકે.' અરજણભાઈ લાંબી સ્પીચ આપ્યા પછી રાહતનો શ્વાસ લીધો.   કાનાભાઈએ મજાક કરી, ' અરજણભાઈ, આ તો તમે તમારી જ વાત કરી, તમે ૩૨૮ ગુણ્યા ૪ બરાબર ૧૩૧૨ એવો બહુ ઝડપથી અંદાજ માંડી શકો છો, પણ તમારી પત્ની કઈ વાતે અકળાશે એનો અંદાજ તમને આવતો નથી! પણ તમારી વાત સાચી છે, એની શાયરી બનાવી કહું?   એક લક્ષણથી કદી કંઈ કામ ચાલે?   માત્ર ભણ-ભણથી કદી કંઈ કામ ચાલે?   જોઈએ! દિલને સમજવાની કળા   કોરા ડહાપણથી કદી કંઈ કામ ચાલે?

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 59

• Privacy • Unsubscribe • Terms of Use

.

__,_._,___