to translate this article to Language of your choice.

અંબાણીવાળું નહીં હોય ત્યારે મોરારિબાપુવાળું કામ લાગશે
સૌરભ શાહ

આવું તો રોજ થવાનું. ઘરની બહાર નીકળીને તમે રિક્ષામાં બેસો છો ત્યારે રિક્ષાવાળા સાથે, બસમાં ટ્રાવેલ કરતા હો તો કંડક્ટર સાથે, ઘરની ગાડી હોય તો ડ્રાઈવર સાથે અને સેલ્ફમાં ચલાવતા હો તો પેટ્રોલ પંમ્પના અટેન્ડન્ટ સાથે માથાકૂટો થવાની. હોટેલમાં વેઈટર સાથે, પ્લેનમાં નાનાં છોકરાઓની ચિચિયારીઓને ખાળી શકવામાં અસમર્થ એવા ફેલો પેસેન્જર સાથે, ટ્રેનમાં આખો વખત પેન્ડિંગ કામકાજને સેલફોન પર ઘાંટા પાડીને પતાવી રહેલા મુસાફર સાથે, લિફ્ટની લાઈનમાં પાછળથી આવીને ઘૂસ મારતી સ્માર્ટી છોકરી સાથે, બૅંકના કલાર્ક સાથે, ઘરમાં ઈલેક્ટ્રિશ્યન, પ્લમર કે ડોમેસ્ટિક હેલ્પ સાથે, ચારવાર બેલ વગાડતા કુરિયર બૉય સાથે, વગર કારણે બપોરના સમયે સોસાયટીની ફાલતુ નોટિસ પર સહી કરાવવા આવી જતા વૉચમૅન સાથે અને અણીને ટાંકણે બગડી જતા કમ્પ્યુટરની કંપનીના કસ્ટમર સર્વિસ ડિપાર્ટમેન્ટ સાથે પણ માથાકૂટો થવાની જ.

અહીં પ્રેમી, કુટુંબીજનો, સગાંવહાલાં, મિત્રો-પરિચિતો કે ઑફિસ કલીગ્સ સાથે થતી માથાકૂટોની તો વાત જ નથી. એ વળી આખી નવી દુનિયા છે. એ બધાના વાંકાચૂંકા સ્વભાવો સાથે કેવી રીતે પનારો પાડવો એ વિશે તો આખું પુસ્તક લખાય. લખ્યું જ છે એક નહીં બે પુસ્તકો લખ્યાં છે: સંબંધોનું મૅનેજમેન્ટ, કુટુંબ-સમાજ-મિત્રોનું મૅનેજમેન્ટ.

પણ અહીં જેઓ તમારા સગાં વગેરે નથી, જેમાંના કેટલાક તમારી જિંદગીમાં ફરી ક્યારેય તમને મળવાના નથી, આમ છતાં તમારી જિંદગી જરાક ઓછી અગવડભરી કરવા માટે તમારે એમની જરૂર પડે છે. એમની સર્વિસ બદલ તને એમને મહેનતાણું તો આપો જ છો, પણ ક્યારેક એવું બને છે કે તમને એમના કામથી સંતોષ થતો નથી. તમે વારંવાર સૂચનાઓ આપી હોય છતાં તેનું પાલન થતું નથી. તમારો આગ્રહ હોય કે મારે પંખા માટે ફલાણું રેગ્યુલેટર જ જોઈએ છે છતાં ઈલેક્ટ્રિશ્યન જાતજાતનાં બહાનાં કાઢીને તમને પર્ટિક્યુલર માલ જ પધરાવે છે અને ડરાવે પણ છે: પેલામાં તો શૉર્ટ સર્કિટ થઈ જતું હોય છે!

તમને ખબર છે કે એ તમને બેવકૂફ બનાવી રહ્યો છે. તમે કમાન ન છટકે એનું ધ્યાન રાખીને હસીને કહો છો: ભલે, શૉર્ટ સર્કિટ થશે ત્યારની વાત ત્યારે. અત્યારે તો મને પેલી જ બ્રાન્ડ લઈ આપ... તો એ બીજો દાવ નાખશે. એમાં તો તમારે આખું સ્વિચબૉર્ડ બદલવું પડશે. આમાં એ ફિટ નહીં બસે!

અને આવું અનેક લોકો સાથે અનેક વખત થતું રહે છે. તમે મુકેશ અંબાણી નથી કે તમારા વતી તમારી સિસ્ટમો આ બધી સગવડો સાચવવા માટે માથાકૂટ કરે. તમે મોરારિબાપુ પણ નથી કે તમને આવી બધી દુનિયાદારી સ્પર્શે જ નહીં, તમે નામસ્મરણ કરતાં કરતાં આ બધી બબાલોથી અલિપ્ત રહો અને જાતને કહેતા રહો કે: હશે...

એક નૉર્મલ સંસારી જીવ તરીકે તમારે, જેમની વર્તણૂક તમને ન ગમતી હોય કે જેમની તમારા માટેની ઍટિટ્યૂડથી તમને હડધૂત થવાની લાગણી થતી હોય કે જેમના વિચારોની વિકૃતિ તમને અશાંત બનાવી દેતી હોય એવી આસપાસની કેટલીય વ્યક્તિઓ સાથે તમારે રોજબરોજનો નાતો રાખવો પડે છે. આને અનિવાર્ય ન્યુસન્સ ગણો તો તે કે મુસીબત ગણો તો મુસીબત, પણ આવું રહેવાનું.

રહેવાનું એ તો બરાબર છે, પણ આનો કોઈ ઉપાય ખરો? તમારા સ્વભાવગત વ્યક્તિત્વની અહીં ખરી કસોટી થાય છે. સાધુસંતો જેને અહમ્ ઓગાળી નાખવાની વાત કરે છે તેનો વ્યવહારમાં ઉપયોગ અહીંથી શરૂ કરાવનો છે. કોઈ મને બેવકૂફ કેવી રીતે બનાવી જાય, શું મારામાં એટલી અક્કલ નથી, એને ખબર નથી કે એ નવરો છે, પણ હું કંઈ નવરો નથી, એ સમજે છે શું એના મનમાં, મને કોઈ છેતરી

શકે જ કેવી રીતે? આ બધા વિચારો અહમ્ની નાની નાની ટીકડી જેવા છે. હું-પદમાંથી બહાર આવવું હોય તો આવી ટીકડીઓ ઓગાળી નાખવાનું કામ સૌથી પહેલાં કરવું પડે.

કોઈ પણ અણગમતી વાત સર્જાય, જેવું ધાર્યું હતું તેવું ન બને, કોઈ તમારી અપેક્ષા મુજબ ન વર્તે કે પ્રોપર રિસ્પોન્સ ન આપે ત્યારે એટલું કરવું કે તમારે સામે જે કાંઈ કહેવું છે તે કહેવાનું મુલતવી રાખવું. ફટ દઈને ઊભરો ઠાલવી દેવાની કોઈ જરૂર નથી. ઉતાવળ અને અધીરાઈથી કામ બગડી જાય. કોઈએ જાણીજોઈને તમારું નુકસાન કરવાનો પ્રોગ્રામ બનાવ્યો છે એવું લાગે તો પણ તરત પ્રતિકાર કરવાની જરૂર નથી હોતી. નવ્વાણુ પોઈન્ટ નવ્વાણુ ટકા કિસ્સામાં તો કોઈ તમારું હસ્તિનાપુર છીનવી જવાનું ષડ્યંત્ર કરતું નથી. કોઈનેય એવી નવરાશ નથી. મોટે ભાગે તો તમારી અપેક્ષાઓ અને એમણે માની લીધેલી તમારી માગણીઓ વચ્ચે જ તફાવત હોય છે. અને એ પણ પૂરતું કે યોગ્ય કમ્યુનિકેશન થયું નથી એટલે એ ખાઈ રહી ગઈ હોય છે.

છેવટે તો તમારે એટલું જ વિચારવું પડે કે મારી જિંદગીનો મક્સદ શું છે? મારે ભાઈદાસમાં જઈને મને ગમતું નાટક જોવું છે કે પછી ત્યાં સુધી લઈ જનારા રિક્ષાવાળા પાસે મારે જમાઈ પાસે હોય એટલી અપેક્ષાઓ રાખવી છે? આ એક ટંકની ભૂખ મટે એ મારો મકસદ છે કે મારે અહીં આવીને વેઈટરને કેવી રીતે પીરસાય, રસોઈયાને કેવી રીતે રોટી બનાવાય અને મૅનેજરને કેવી રીતે રેસ્ટોરાં ચલાવાય એનું જ્ઞાન આપવાના ક્લાસીસ ખોલીને બેસવું છે?

અંબાણી જેટલા પૈસા તો તમારી પાસે સાત જન્મેય નથી આવવાના. રહ્યો ઉપાય મોરારિબાપુવાળો. તમારા અંતરમાં નામસ્મરણ થતું હોય કે કોઈ બીજા પ્રકારનું જીવનસંગીત વાગ્યા કરતું હોય એને ડિસ્ટર્બ કર્યા વિના, કશું પણ અણગમતું બને ત્યારે એક નાનકડા શબ્દથી કામ લેવાનું: હશે...

__._,_.___

Posted by: Bhupendra Jesrani <jesranibd@yahoo.co.in>

Reply via web post

•

Reply to sender

•

Reply to group

•

Start a New Topic

•

Messages in this topic (1)

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group