to translate this article to Language of your choice.

બધા એવું ન કરી શકે અને બધાએ એવું કરવાની જરૂર પણ નથી. નરેન્દ્ર મોદી વડા પ્રધાન બન્યા છે એટલે રજા લીધા વગર કામ કરે છે એવું નથી. સીએમ હતા ત્યારે પણ એ રીતે કામ કરતા અને સીએમ બન્યા તે પહેલાં પણ એ રીતે કામ કરતા. આ એમની તાસીર છે, એમનો સ્વભાવ છે.

આપણને વીકલી ઑફની જરૂર પડે છે, કારણ કે આપણા માટે આપણું કામ અને આપણી પર્સનલ લાઈફ - બે જુદાં જુદાં છે. મોદી માટે કામ એ જ પર્સનલ લાઈફ છે અને પર્સનલ લાઈફ એ જ કામ છે. એટલે એમને રિલેક્સ થવાની જરૂર રહેતી નથી. ટ્વેન્ટી ફોર બાય સેવન તેઓ રિલેક્સ્ડ જ હોય છે.

આપણે છ દિવસ સુધી ધનુષ્ય પર પણછ ચઢાવી હોય એવી તંગદિલી દિમાગ પર સવાર કરીને કામ કરતા રહીએ છીએ. ટેન્શન ક્રિયેટ કર્યા વિના અઘરી પરિસ્થિતિઓનો સામનો કરતાં આપણને આવડ્યું નથી. કશુંક અણધાર્યું બને, કશુંક અણગમતું બને ત્યારે દિમાગ ઠંડું રાખીને એ પરિસ્થિતિ સાથે કામ કેવી રીતે.

લેવું તે આપણને હજુ શીખવાનું બાકી છે. ટેન્શન લેવાની ટેવ પડી ગઈ છે. ના હોય તો જાણે ખાલી ખાલી લાગે છે. ચાવીવાળા ઘડિયાળને કે ચાવીવાળા રમકડાને ચાવી આપો તો જ તે ચાલે. ફુલ ચાવી આપો તો વધારે ચાલે. દિમાગને ચાવી આપવાની ટેવ પડી ગઈ એટલે જ અનવાઈન્ડ થવા વૅકેશનની જરૂર પડે છે. ટેન્શન ક્રિયેટ કરીને બૅટરી નીચોવી નાખીએ છીએ એટલે જ રિચાર્જ થવા વીક એન્ડમાં કે બે-ચાર-છ મહિને બહારગામ જવાની જરૂર પડે છે.

મોદી કે એમના જેવા લોકોની બૅટરી ખાલી જ નથી થતી. એનું કારણ એ નથી કે એમની પાસે કોઈ વરદાન છે તે ઊર્જાનો અખૂટ ખજાનો ભગવાને એમને આપ્યો છે. પણ એમની બૅટરી સાઈકલ સાથે જોડવામાં આવતા ડાયનેમો જેવી છે. જેટલું વધારે કામ કરે એટલી વધારે ચાર્જ થતી જાય. ડાયનેમોવાળી સાઈકલ ફાસ્ટ ભગાવો તો આગળ લગાડેલી બત્તી તેજ થતી જાય અને સ્લો પેડલ મારો તો બત્તી મંદ થતી જાય. એવું જ મોદીજી કે એમના જીવી બીજી વ્યક્તિઓનું. જેમ વધુ કામ કરે એમ થાકવાને બદલે વધુ સ્ફુર્તિશાળી બને.

માણસ કામથી કંટાળે છે, કારણ કે એ જે કામ કરે છે એમાં ઓતપ્રોત થતો નથી. એ ઓતપ્રોત એટલા માટે નથી થતો કે એ કામ એના પર થોપવામાં આવ્યું હોય છે, કામ એના માટે મજબૂરી છે, કામ નહીં કરે તો આજીવિકા નહીં મળે ને કુટુંબ ભૂખે મરશે.

મોદી કદાચ રાજનેતાને બદલે ડૉક્ટર, સરકારી અધિકારી, સંગીતકાર, ક્રિકેટર કે પત્રકાર હોત તો પણ આ જ રીતે કામ કરતા હોત એવું મારું માનવું છે. મોદી જેવા લોકો વિવિધ ક્ષેત્રોમાં મેં જોયા છે, તમે પણ જોયા હશે. કામગર, કામઢા કે વર્કોહોલિક જેવાં વિશેષણો કરતાં કર્મયોગી શબ્દ વધારે ગમે. પણ કર્મયોગી શબ્દને લોકોએ શ્રદ્ધાંજલિની જાહેરખબરોમાં વાપરી વાપરીને સાવ નિસ્તેજ કરી નાખ્યો છે. મોદીને કારણે આ શબ્દને ફરી એકવાર એનું અસલ તેજ વાપસ મળી રહ્યું છે કર્મયોગી.

કામ કરવું એ વૈતરું નથી, ઢસરબોળો નથી એવું કર્મયોગીઓ પાસેથી શીખવાનું છે. કામમાં જ આરામ સમાયેલો છે એવું કર્મયોગી શીખવાડે છે. આનો અર્થ એ નથી કે સૌ કોઈને પોતાના કામની જે કંઈ જવાબદારી હોય એમાં ચોવીસે કલાક અને ત્રણસોએ પાંસઠ દિવસ મંડી પડવું. સરહદ પર તહેનાત જવાનોને લાંબી રજાઓ મળવી જ જોઈએ. એવું પોલીસ ફોર્સ, ફાયરબ્રિગેડ અને બીજાં અનેક ક્ષેત્રોમાં કામ કરતી વ્યક્તિઓ માટે કહી શકો. મુદ્દો છે કામમાં ઈન્વોલ્વમેન્ટનો. રજા લેવાનુંય મન થાય એવા ઈન્ટરેસ્ટથી કામ કરવાનો. વીકલી ઑફની રાહ જોવામાં બાકીના છ દિવસ ગાળી નાખતા લોકો જો કામ કરવામાંથી જ આનંદ મેળવતા થઈ જાય તો એમને ક્યારે સાપ્તાહિક રજા મળે એવી રાહ જોવી ના પડે. અને જ્યારે એવો હૉલિડે આવી પડે ત્યારે એ ફાજલ દિવસની ફુરસદમાંથી મળતો આનંદ બેવડાઈ જાય.

કામ કરવાથી નહીં પણ કામમાં વેઠ ઉતારવાથી થાક લાગે છે. મન મારીને કામ કરવાથી થાક લાગે છે. પરાણે જે કામ કરવું પડે છે તે કામ કરતાં થાક લાગે છે.

ડેડિકેશન શું છે, નિષ્ઠા શું છે, વફાદારી શું છે એ બધું બોલીને બતાવવાનું ન હોય. તમારી ઍટિટ્યુડમાંથી એ જણાઈ આવે. તમારા વર્તનમાં ટપકે. મોદી ક્યારેય આપવડાઈ કરતા નથી કે પોતે કેટલું કામ કરે છે. નેહરુજીએ તો કહેવું પડતું કે: આરામ હરામ હૈ. મોદીજીએ કહેવું નથી પડતું. મોદી કહેતા નથી, કરીને બતાવે છે. ગાંધીજીએ પણ કહેવું પડતું કે હું પંદર દિવસ ગોળ ખાધા વિના રહી શકું છું કે નહીં એવો પ્રયોગ કરી જોઉં પછી સલાહ આપું. મોદી કોઈને સલાહ આપતા નથી. ચૂપચાપ નવરાત્રિના (આ વખતે દસ દિવસના) નકોરડા ઉપવાસ કર્યા, માત્ર સાદું પાણી પીને, જે અલમોસ્ટ ૪૦ વર્ષ કરતાં વધુ વખતથી સતત કરતા આવ્યા છે. ચૈત્રી અને આશ્ર્વિની - બેઉ નવરાત્રિમાં અને આવા આકરા ઉપવાસો દરમ્યાન પણ કામ તો રેગ્યુલર રફ્તારથી કરતાં રહેવાનું.

એક જ લાઈફમાં જો બેત્રણ જિંદગીઓ જેવું જીવી લેવું હોય તો મોદીને રોલ મૉડેલ તરીકે અપનાવવા પડે.

__._,_.___

Posted by: Bhupendra Jesrani <jesranibd@yahoo.co.in>

Reply via web post

•

Reply to sender

•

Reply to group

•

Start a New Topic

•

Messages in this topic (1)

Have you tried the highest rated email app?

With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

World's Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group