[amdavadis4ever] ઘરનું માટલું તો ગાળીને જ ભરાય...

 

Please use http://translate.google.com/ to translate this article to Language of your choice. ઘરનું માટલું તો ગાળીને જ ભરાય... બ્લુ બુક - કાજલ ઓઝા - વૈદ્ય "બોસ, લગન કરવાના છે, કંઈ મશ્કરી નથી. ટોળાની વચોવચ બેઠેલા મૃગેશે વટથી કહ્યું, "આપણે શાકભાજી પણ પસંદ કરીને લાવીએ છીએ, આ તો બૈરું છે. કંઈ ઉઠાવી ના લવાય. "તું પણ યાર... મૃગેશની બાજુમાં બેઠેલા શ્રીકાંતે એને ધબ્બો માર્યો, "પસંદ કરવામાં વળી જોવાનું શું? આ કંઈ કાકડી-ચીભડું છે કે કાપવાથી ખબર પડે? માણસ તો જોડે રહેવાથી જ ઓળખાય. "તો જોડે રહેવાનું... કહીને મૃગેશ હસવા લાગ્યો, "ઠોકી-બજાવીને, પૂરું તપાસીને જ પડાય. બાકી લોચા થઈ જાય. "એટલે ? એના એક મિત્ર ભૂષણે પૂછ્યું, "એમ તે કંઈ માણસની તપાસ કરાય, યાર? "કરવી પડે ભઈ. મૃગેશે વધુ પડતા આત્મવિશ્ર્વાસ સાથે કહ્યું, "આપણે આસપાસની ભાભીઓથી શરૂ કરીને સ્કૂલની છોકરીઓ સુધી બધું ચાખ્યું હોય તો એટલી તપાસ તો કરવી પડે. ક્યાંક સેક્ધડ હેન્ડ માલ કોઈ પધરાવી જાય તો? આપણે એકદમ પેટીપેક જોઈએ - નવી નક્કોર... કાચી-કોરી... પચીસથી અઠ્ઠાવીસ વચ્ચેના બધા જ છોકરાઓ થોડું ગંદું, થોડું ખંધુ હસી પડ્યા. "તું કરે એનો વાંધો નહીં... ભૂષણે કહ્યું, "ને તારે પેટીપેક જોઈએ... વાહ ભઈ! "ઓહ હલો ! મૃગેશે કડવાશથી કહ્યું, "તરસ લાગે તો પાણી ગમે ત્યાં પી લીવાય, પણ ઘરનું માટલું તો ગાળીને ભરીએ છીએ ને? એણે જરા ગંદકી સાથે કહ્યું, "ઘેર નળમાં મોઢું ન મંડાય... ત્યાં તો માટલું જ જોઈએ. * આ એક વિચિત્ર માન્યતા પુરુષ પ્રધાન સમાજમાં પ્રવર્તે છે, જે સીધી સ્ત્રીની વર્જિનિટી સાથે અથવા એના વ્યક્તિત્વ સાથે જોડાય છે. છોકરાઓ સાથે ખૂલીને હસતી-બોલતી, ધબ્બા-ધુબ્બી કે તોફાન કરતી છોકરીઓને સાવ સ્વાભાવિક રીતે 'ચાલુ'નું લેબલ ચોંટાડી દેવાય છે. મોટા ભાગના લોકો - ખાસ કરીને છોકરાઓ, છોકરીના ચારિત્ર્યને એની પર્સનાલિટી અથવા વ્યક્તિત્વથી મૂલવે છે. ઓછું બોલતી, શરમાળ અને સલવાર-કમીઝ પહેરતી છોકરીઓ સારી ગૃહિણી પુરવાર થાય એવી ધારણા છે ખરી..., પરંતુ એની સામે એ જ છોકરીઓએ લગ્ન થતાંની સાથે જ પરિવારને જુદો પાડ્યાના કિસ્સા પણ આપણે જાણીએ જ છીએ. મોટા ભાગના છોકરાઓ લગ્ન માટેનો નિર્ણય 'અરેન્જ મેરેજ' દ્વારા કરવાનું પસંદ કરે છે. આનું કારણ કદાચ એ હોઈ શકે કે પોતાની પસંદગીમાં ક્યાંક ગરબડ થઈ શકે, પરંતુ જ્યાં માતાપિતાની પસંદગીનો સવાલ છે ત્યાં તો પરિવાર અને ઓળખાણ બરાબર જોઈને, તપાસીને જ ગોઠવવામાં આવતી હોય છે એવું માનવામાં આવે છે. એક કલાક કે બે કલાક એક છોકરીની સામે બેસીને એને પુછાયેલા પ્રશ્ર્નોના જે જવાબ મળે એના પરથી એ છોકરીના ચારિત્ર્ય વિશે નિર્ણય લેવો કેટલી જોખમકારક બાબત છે! બીજી રીતે જોવા જઈએ તો છોકરીના ચારિત્ર્યને એના પુરુષ મિત્રો કે એના સ્વભાવના ખુલ્લાપણા દ્વારા જે લોકો મૂલવે છે એ કદાચ પોતાની સંકુચિત માનસિક્તાનું પ્રદર્શન કરે છે. આપણા સમાજમાં આજે પણ એવું માનવામાં આવે છે કે એક છોકરો 'કંઈ પણ' કરી શકે, બલકે એક છોકરો લફરાબાજી કરે કે એની બહુ બધી ગર્લફ્રેન્ડ હોય, એ બહુ બધી છોકરીઓને ફેરવતો હોય કે બહુ બધી છોકરીઓ એના માટે પાગલ હોય તો એ છોકરા માટે અચિવમેન્ટ અથવા ગૌરવની બાબત પુરવાર થાય છે, પણ એ જ વાત કોઈ છોકરીની બાબતમાં હોય તો છોકરીનું ચારિત્ર્ય બરાબર નથી એવું માની લેવામાં આવે છે. એથીયે આગળ વધીને મિત્રતા માટે કે ગર્લફ્રેન્ડ તરીકે સ્માર્ટ, તોફાની, થોડી છૂટ આપી શકે અને થોડી છૂટ લઈ શકે એવી છોકરી વધારે ઇન્ટ્રેસ્ટિંગ પુરવાર થાય છે, પણ લગ્ન કરવા માટે તો સુશીલ, ઘરરખ્ખુ, નીચું જોઈને બેસતી, ઓછું બોલતી... વગેરે વગેરે બાબતો મહત્ત્વના ગુણો ગણાય છે! આ કેવો સમાજ છે, જેમાં આજે પણ છોકરો લગ્ન માટે છોકરીને 'જોવા' જાય છે... જોવાનો અર્થ એ છે કે એના તમામ ગુણો, આવડત, દેખાવ અને બુદ્ધિમત્તાનું પ્રદર્શન એને ફાળવવામાં આવેલા એક-બે કલાકમાં છોકરીએ કરી દેવાનું છે. એની સમજદારી, એનું ઠરેલપણું કે એની કુનેહ જેવી બાબતો ઉપર કોઈ ધ્યાન આપવામાં આવતું જ નથી? કારણ કે આવી બાબતો તો વ્યક્તિને ધીમે ધીમે ઓળખ્યા પછી જ નક્કી થઈ શકે છે. સ્ત્રી અને પુરુષના ચારિત્ર્ય વચ્ચે આવી જુદી જુદી વ્યાખ્યાઓ કેમ? જો 'લફરાં' કરવાથી ચારિત્ર્ય ખરાબ કહેવાતું હોય તો એ કોઈનું પણ હોઈ શકે... અને જો ખરાબ ન કહેવાતું હોય તો બંનેને સમાન અધિકાર મળવો જોઈએ. સૌથી મહત્ત્વની બાબત એ છે કે છોકરો છોકરીને ના પાડી શકે, પણ છોકરીને સામાન્યત: એનાં માતાપિતા જ એવો અધિકાર આપતાં નથી. છોકરીએ તો મોટે ભાગે 'હા' જ પાડવાની રહે છે. એમાંય કમાતો છોકરો અને પરિવાર સારો હોય તો બીજું 'જોવાપણું' નથી એવું માતાપિતા માની લે છે. એની સામે જ્યારે છોકરી વિશે વાત નીકળે ત્યારે એનાં સગાંવહાલાં- પડોશીથી શરૂ કરીને ફેસબુક, કૉલેજના મિત્રો અને ભૂતકાળ સુધ્ધાં એક વાર તપાસી લેવાય છે. સવાલ એ નથી કે તપાસ થવી જોઈએ કે ના થવી જોઈએ, સવાલ એ છે કે કોઈ પણ વ્યક્તિનું ચારિત્ર્ય એના વિશે પાંચ-સાત મિનિટમાં કેવી રીતે નક્કી કરી શકાય? દુનિયાનો કોઈ પણ માણસ સાથે રહ્યા પછી પણ ઘણી વાર ઓળખાતો કે સમજાતો નથી. એવા સમયમાં જ્યારે આપણે કોઈ એક વ્યક્તિના નાના-મોટા વર્તનથી જ એના વિશેના નિર્ણયો કરી લઈએ ત્યારે આપણે એમને અન્યાય નથી કરતા? એથીયે આગળ વધીને એ નિર્ણયને આપણે અંતિમ સત્ય તરીકે પુરવાર કરીને મોટા ભાગના લોકો સુધી પહોંચાડીએ છીએ. એક છોકરી કદાચ કોઈના પ્રેમમાં હોય, કદાચ એને કોઈ સાથે સંબંધ હોય, કદાચ એ સંબંધ શરીર સુધી લંબાયો હોય તો પણ એ છોકરીનું ચારિત્ર્ય સારું નથી એવું નક્કી કરવા માટેનું પ્રમાણ ફક્ત આટલું જ ન હોઈ શકે. બીજી એક મહત્ત્વની વાત એ છે કે એક પુરુષ પોતાનાં લગ્ન માટે કાચી-કુંવારી, પ્રેમમાં નહીં પડેલી વર્જિન છોકરીની અપેક્ષા રાખે છે, તો એક સ્ત્રીને આવી અપેક્ષા રાખવાનો અધિકાર નથી? એક છોકરી, જેણે પોતાની યુવાની, શરીર, ઇમોશન્સને સંયમથી જિંદગીનાં ૨૦-૨૨-૨૪ વર્ષ સુધી સાચવી રાખ્યા હોય એ સ્ત્રી જ્યારે એક પુરુષને પોતાની લાગણીઓની, પોતાના કૌમાર્યની અને પોતાના સ્વચ્છ મનની સૌગાદ આપતી હોય ત્યારે એક પુરુષે પણ પોતાની પત્નીને એટલું આપવું જોઈએ, એવું એ પુરુષને કોણ શીખવાડે? સામાન્ય રીતે દીકરાને ઉછેરતી વખતે એની મા જ એને એવું શીખવે છે કે તું તો દીકરો છે, તને કંઈ પણ કરવાની છૂટ છે. એ મા જ એને એવું શીખવે છે કે એણે જ્યારે પત્ની પસંદ કરવાની હોય ત્યારે સૌથી પહેલી તપાસ છોકરીના ચારિત્ર્યની કરવી પડે, પણ એ મા પોતાના દીકરાને એવું શીખવવાનું ભૂલી જાય છે કે એ છોકરાની ભાવિ પત્ની જ્યારે એના ભાવિ પતિના ચારિત્ર્યની તપાસ કરે ત્યારે એ પણ સ્વચ્છ અને નિષ્કલંક મળવું જોઈએ!

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Save time and get your email on the go with the Yahoo Mail app

Get the beautifully designed, lighting fast, and easy-to-use Yahoo Mail today. Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 45

• Privacy • Unsubscribe • Terms of Use

.

__,_._,___