[amdavadis4ever] તમે ચલણી નોટો ધોઈને વાપરો છો?

 

Please use http://translate.google.com/ to translate this article to Language of your choice. તમે ચલણી નોટો ધોઈને વાપરો છો?   ૫ોઈન્ટ બ્લેન્ક : એમ.એ.ખાન મનરાજ શ્રોફ ૨૫ વર્ષનો યુવાન છે. તેણે ૨૪ વર્ષની કામિની સાથે ત્રણ વર્ષના લગ્નજીવન પછી છૂટાછેડાની અરજી કરી છે. છૂટાછેડાનાં કારણમાં તેણે લખ્યું છે, મારી પત્ની કામિનીની ચોખલિયાવેડાની લત હવે સહન કરી શકાતી નથી. જમવા બેસીએ તો એ ધોયેલાં વાસણ ફરીથી ધોઈને લૂછયા વિના ટેબલ પર મૂકે છે. વાસણ ધોવા માટે આરઓનું પાણી વાપરે છે. ખોરાકને હાથ લગાવવા દેતી નથી, છરી-કાંટાથી જ જમવું પડે છે. બહારથી આવતાં જ પરસાળ પાસેની ઓરડીમાં કપડાં અને પગરખાં બદલવાં પડે છે. એ કપડાં પહેરીને સીધા બાથરૂમમાં જવું પડે છે. ત્યાં એ કપડાં બરાબર વાળીને મૂકી દેવાના અને સ્નાન કરી ઘરનાં કપડાં પહેરવાના.   સેક્સ કરવા માટે પણ કપડાં ઉતારી સરસ વાળીને કબાટમાં મૂકી દેવાના,પછી બ્રશ કરીને માઉથવોશ કરવાનું, પછી જ આગળ વધવાનું. આમાં સેક્સની કોઈ ઉત્તેજના રહેતી જ નથી. શરૂઆતમાં લાગતું હતું કે સમય જતાં ઝનૂન ઓસરી જશે. પછી લાગ્યું કે એને કશોક વળગાડ હશે. હવે ડોક્ટર કહે છે કે એને ઓબ્સેસિવ કમ્પલ્સિવ ડિસઓર્ડર છે. સાહેબ એને જે હોય તે, હું સહન કરી શકું એમ નથી. એની સાથે વધારે રહીશ તો હું ગાંડો થઈ જઈશ.  મનિન્દ્ર શાહને ત્રણ દાયકા પહેલાં જાણ થઈ કે સૌથી વધુ કીટાણું ચલણી નોટો પર હોય છે. ત્યારથી ચલણી નોટો સ્વીકારવાની ના પાડે છે. ન છૂટકે લેવી જ પડે તો કવરમાં મૂકીને આપો તો જ લેે છે. ઘેર જઈ સીધો વોશબેસિન પાસે જાય છે, કવરમાંથી નોટો કાઢી પાણીથી ધૂએ છે,ચીપિયાથી પકડી અખબારના પાનાં વચ્ચે સૂકવે છે અને પછી જ હાથ લગાવે છે.  આવા રોગીઓનો ઈલાજ કરનાર અમદાવાદના ડોક્ટર કહે છે કે સરેરાશ મહિને ત્રીસ નવા કેસ આવતા રહે છે. તેમાં બાળકો, યુવાનો અને વડીલો બધા જ હોય છે. આજે ચારે બાજુ પ્રદૂષણ અને બેક્ટેરિયા આપણને ભરખી જવા તૈયાર જ બેઠા હોય એવો હાઉ ઊભો કરવામાં આવ્યો છે. પ્રદૂષણ અને બેક્ટેરિયા છે એની ના ન પાડી શકાય, પરંતુ એ કંઈ નવી વાત નથી. વર્ષોથી આ સ્થિતિ છે. હવે એનો હાઉ મોટો કરવામાં આવ્યો છે એટલે લોકોમાં સ્વચ્છતાનું વળગણ સૌથી વધારે જોવા મળે છે. એક મિત્રના બહેન બનેવી ચાર વર્ષ પાકિસ્તાન રહી આવ્યા પછી બોટલનું જ પાણી પીતા, એનાથી જ હાથ-પગ-મોઢું અને વાસણ ધોતા થઈ ગયા હતા. સિગારેટ કે બિસ્કિટ સીધું પેકેટમાંથી મોંમાં લઈ લેવાનો આગ્રહ રાખતા હતા, કારણ કે હાથ પર બેક્ટેરિયા હોય!  આ વળગણ માત્ર સ્વચ્છતાનું જ હોય છે એવું નથી. વીમા કંપનીમાં મેનેજર તરીકે કામ કરતા એક સાઉથ ઈન્ડિયનની માતા રોજ રાત્રે ફ્રીઝ પર દરેક બાજુ પર ગાયનું છાણ લીંપીને જ સૂઈ શકે છે. એમની દલીલ છે, ફ્રીઝમાં ઈંડા, મટન, મચ્છી વગેરે મૂકીએ છીએ એટલે રાત્રે પવિત્ર છાણ લગાવવું ફરજિયાત છે. સરફુદ્દીન સૈયદ નામના એક મુસ્લિમ બિરાદર દર અડધા કલાકે વુઝૂ કરવાના નામે હાથ-પગ-મોઢું ધોયા કરે છે. એ કહે છે,સતત પવિત્ર રહેવું જરૂરી છે.  મનોવિજ્ઞાાન કહે છે કે પોતાને આર્થિક, શારીરિક કે આસ્થાનું નુકસાન થઈ જશે એવા ભયથી પીડાતી વ્યક્તિ બચવા માટે ધાર્મિક કે વૈજ્ઞાાનિક આધાર લઈ એક વિધિ બનાવી લે છે. બધાને ખબર છે કે પ્રદૂષણમાં જીવવા સિવાય આરો નથી. સફળતા માટે ઉજાગરા કર્યા વિના છૂટકો નથી. સો ટકા શુદ્ધ, પૌષ્ટિક ખોરાક મળવાનો નથી. ૧૦૦ ટકા મહેનત પછી પણ સફળતાની કોઈ ગેરન્ટી નથી. આવા સંજોગોમાં દરેકને કોઈકને કોઈક વિષયની ચિંતા પજવે છે. કેટલાક લોકોને એ ચિંતાના વિચાર વધારે ઉગ્રતાથી સતત પજવતા રહે છે, સતત ભય લાગે છે. સિસ્ટમ પર ભરોસો ઊઠી ગયો હોય, ઈશ્વર પર મજબૂત ભરોસો ન હોય, જેને ખોટું માનતા હોય એ કામ કરવું જ પડતું હોય, કોઈપણ સંજોગોમાં જીતવાની જક હોય એવા લોકોને વધારે ભય લાગે છે. એનાથી બચવા ચોક્કસ ઉપાય તેમણે વિજ્ઞાાન કે ધર્મની માહિતીના આધારે શોધી લીધો હોય છે. આ ઉપાય ટેવ બને છે અને ધીમે ધીમે ટેવ સ્વભાવ બની જાય છે અને એથી આગળ વધીને માણસને ખબર પણ ન પડે એ રીતે હઠાગ્રહ બની જાય છે. ત્યાંથી ગરબડની શરૂઆત થાય છે, કારણ કે એ કામ કર્યા વિના, પોતાની આસપાસના લોકો પાસે કરાવ્યા વિના તેઓ રહી જ શકતા નથી. સદભાગ્યે બધાને આવું થતું નથી. ઘણાની ટેવ વર્ષો સુધી એવી અને એટલી જ રહે છે.  આવી ગરબડ મોટેભાગે સ્વચ્છતા બાબતે, કલર બાબતે અને ડાબા-જમણા બાબતે વધારે જોવા મળે છે. એક ભાઈ કદી ડાબી બાજુ ચાલતા નથી,ડાબી બાજુ વળતા નથી. ડાબે જવું હોય તો જમણી બાજુ ત્રણ વખત વળીને એ દિશામાં જાય છે. એક ટીવી ચેનલના ક્રિયેટિવ ડાયરેક્ટર કહે,મારા કિચનમાં કલર કો-ઓર્િડનેશન લાજવાબ છે. એમના ઘેર ગયા તો ખબર પડી કે કિચનમાં રેડ અને બ્લેક સિવાય કોઈ કલર નથી. પોતે પણ કાળા વસ્ત્રો પહેરીને જ કિચનમાં જાય છે. અન્ય કલરની વસ્તુ કિચનમાં આવી જાય તો એ સહન કરી શકતા નથી. એક મિત્ર ઓફિસ જાય તો શર્ટના ખિસ્સામાં લાલ પેન ભરાવીને જ જાય છે. લાલ પેન ન મળે તો ઓફિસ જવાનું માંડી વાળે છે.  મોડેલ બનવા માગતી મીરા પોતાના નાક, હોઠ તથા ભ્રમરની કોસ્મેટીક સર્જરી કરાવી ચૂકી છે. તે પોતાનો ચહેરો પરફેક્ટ બનાવવા માગે છે. હવે એ આંખની નીચેના ભાગે ચરબી દુર કરવાનું ઓપરેશન કરાવવા માગે છે. સર્જન કહે છે કે હવે સર્જરી જોખમી છે, તો એ ધમકી આપે છે, તમે નહીં કરી આપો તો હું બીજા પાસે કરાવી લઈશ.  જે લોકોને ખ્યાલ આવે કે હું મનોરોગનો ભોગ બની ગયો છું એવા લોકો એમાંથી છૂટી શકે છે. એમને કાઉન્સેલિંગ, શારીરિક શ્રમ, યોગ, ધ્યાન,પ્રાણાયામથી ખુબ ફાયદો થાય છે. અમેરિકાના નોર્થ કેરોલિના રાજ્યમાં આવેલી ડયુક યુનિવર્સિટીના વિજ્ઞાાનીઓએ પ્રયોગ કરીને મગજના એક રિસેપ્ટર કોષને પકડી પાડયો છે જે આ મનોરોગ સર્જે છે. એ કોષને સુધારવાના પ્રયોગો સફળ થયા પછી વિશ્વના કરોડો લોકો આ મનોરોગમાંથી છૂટી શકશે.

__._,_.___

---

Posted by: Bhupendra Jesrani <jesranibd@yahoo.co.in>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Save time and get your email on the go with the Yahoo Mail app

Get the beautifully designed, lighting fast, and easy-to-use Yahoo Mail today. Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

---

World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

Visit Your Group

• New Members 39

• Privacy • Unsubscribe • Terms of Use

.

__,_._,___