Wednesday, 12 October 2016

[amdavadis4ever] એ લોકો મહાન બની ગ યા તમારે બનવું છે?

 



Please use
http://translate.google.com/
to translate this article to Language of your choice.



એ લોકો મહાન બની ગયા તમારે બનવું છે?

કોઈની નામના જોઈને, ગ્લેમર જોઈને, સંપત્તિ જોઈને, જાહોજલાલીભરી લાઈફસ્ટાઈલ જોઈને એમના જેવા બનવાનું મન થાય એ સ્વાભાવિક છે.

 

તમે પણ સપનાં જોતાં થઈ જાઓ કે લાખો લોકો મને ઓળખતા હશે, મારું આવડું મોટું ઘર હશે, આવડી મોટી ઓળખાણો હશે. પણ એવું સપનું તો ક્યારેય નહીં જુઓ કે હુંય એ મહાન લોકોની જેમ દિવસ-રાત કામ કરતો હોઈશ, પર્સનલ ગમાઅણગમાને દૂર રાખીને અને અંગત મઝાઓનો ભોગ આપીને દિવસના અઢાર-અઢાર કલાકો કામ કરતો હોઈશ. તમને એવું સપનું પણ નહીં આવે કે મહાન બનવા માટે મારે જે સતત અને સખત કામ કરવું પડશે તે માટે મારે તબિયત સાચવવી પડશે, ભાવતાં ભોજનોનો અતિરેક ટાળવો પડશે, દિવસ દરમ્યાન ટાઈમ ન મળે તો રાત્રે બે વાગ્યે પણ જિમ્નેશિયમમાં જઈને દંડ પીલવા પડશે અને તમને એવો વિચાર તો બિલકુલ બી નહીં આવે કે મારી આસપાસ રચાયેલી ગ્લેમરસ લાઈફસ્ટાઈલને લીધે હું ચપટી વગાડું ત્યાં ધારું તે એશઆરામની સુવિધા ઊભી કરું છું છતાં એનાથી છેટું રાખું છું કારણકે મારી પાસે એવો કોઈ સમય જ નથી અને જે ઘડીએ મને આ એશઆરામની જીવનની મોજ-મઝાઓમાં ડૂબી રહેવાની આદત લાગી ગઈ તે ઘડીથી મારું પતન શરૂ થઈ જશે.
આપણે ખાવાપીવામાં ધ્યાન રાખતા નથી અને ભાવતાં ભોજનોનો અતિરેક કરીને કોલેસ્ટ્રોલ અને શુગર. વધાર્યા કરીએ છીએ, લિવર બગાડયા કરીએ છીએ, ફેફસાં તોડયા કરીએ છીએ કારણકે આપણે આપણા કામને પૂરતો આદર આપતા નથી. આપણે સમજતા જ નથી કે મોટા કામ કરવા હશે, લાંબા સમય સુધી એવાં કામ કરવા હશે તો સારી તબિયત તો પહેલી શરત છે. સફળતા મળી ગયા પછી એ સફળતા માણવા માટે જ નહીં, ટકાવી રાખવા માટે પણ સારી તબિયતની જરૂર પડવાની. છાપાઓમાં જેમનાં નામ રોજ વાંચીએ છીએ તે તમામ ક્ષેત્રની મોટી મોટી હસ્તીઓને પૈસાનો તો કોઈ પ્રોબ્લેમ જ નથી- તેઓ ધારે તે ખાઈ શકે છે, ધારે તે શહેરમાંથી ભાવતી વાનગી મગાવીને પોતાના ડાઈનિંગ ટેબલ પર મૂકાવી શકે છે. એમને રોકનારું-ટોકનારું કોઈ નથી.
અમિતભ બચ્ચન, શાહરૂખ ખાન કે પછી નરેન્દ્ર મોદી, મોરારીબાપુ, મુકેશ અંબાણી અથવા માર્ક ઝકરબર્ગ-આખો લેખ ભરાઈ જાય એટલા નામો ગણાવી શકો- એ સૌ અને બીજા કેટલાય મહાન માણસો મહાન થઇને શું શું કરે છે તે પહેલાં કલ્પના કરીએ કે મહાન થવા માટે એમણે શું શું કર્યું હશે. પછી સપનાં જોઈએ એમના જેવા બનવાનાં. પછી નક્કી કરીએ કે આપણે પણ લોકો આપણે પણ લોકો આપણી સાથે સેલ્ફી પડાવવા આવે એવી કક્ષાએ પહોંચવું છે કે પછી આપણે આવી સેલિબ્રિટીઓ સાથે સેલ્ફી પડાવવામાં સંતોષ લેવો છે. સાચું પૂછો તો સપનું તો એવું હોવું જોઈએ કે આ મહાન હસ્તીઓને તમારી સાથે સેલ્ફી પડાવવાનું મન થાય. ગયા રવિવારે સવારે વરસતા વરસાદમાં એક પ્રવચન માટે જુહુ વિસ્તારમાં જતો હતો ત્યાં રસ્તામાં અમિતાભ બચ્ચનનો બંગલો આવ્યો. મેં મજાકમાં કારના સ્ટિયરિંગ પર બેઠેલા મારા મિત્રને કહ્યું કે કાશ, એવો સંબંધ હોય કે અંદર જઈને કહી શકીએ કે જયાબહેન, અહીંથી પસાર થતો હતો તો થયું કે તમારા હાથની ચા પીતો જઉં!

પણ એ કક્ષાએ પહોંચવા માટે માત્ર ગ્લેમરલ લાઈફસ્ટાઈલના સપનાં જોવાથી ના ચાલે. દિવસ-રાત મહેનત કરવી પડે. મન મારીને પણ અમુક સંજોગોનો સામનો કરવો પડે. ગમતું ઘણુંબધું છોડી દેવું પડે. જરાક સફળતા મળી ગઈ, હજુ આટલી ઊંચી સીડીના બે પગથિયાં ચડયા નથી ને શિખર પર પહોંચી ગયા જેટલો નશો મનમાં છવાઈ જાય એવી ક્ષણો આવે ત્યારે એ ક્ષણોને ઓવરકમ કરીને કામમાં જ ધ્યાન પરોવાયેલું રહે એવી માનસિકતા રાખવી પડે. મોંઘાં સેન્ટ છાંટીને ફરવાની હોંશ હોય ત્યારે પહેલાં તો શરીરમાંથી પ્રસ્વેદની મહેક આવે એટલું કામ કરવું પડે.બરાબર?

__._,_.___
Posted by: Bhupendra Jesrani <jesranibd@yahoo.co.in>
Reply via web post • Reply to sender • Reply to group • Start a New Topic • Messages in this topic (1)
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.
World&#39;s Best forwarded emails...

Spread a word to join amdavadis4ever-subscribe@yahoogroups.com

To translate the posted material into your native/regional language,
please visit http://translate.google.com/

Like us on facebook: amdavadi amdavadi

.

__,_._,___
Posted by at

No comments:

Post a Comment

Subscribe to: Post Comments (Atom)